"Until the lions have their own historians the history of the hunt will always glorify the hunter...."
- Chinua Achebe

2017, നവംബർ 11, ശനിയാഴ്‌ച

ചിമ്മ ആഹിര്‍വാര്‍: തൊണ്ണൂറാമത്ത വയസ്സില്‍ വധശിക്ഷയേറ്റുവാങ്ങിയ ദലിത് വൃദ്ധന്‍


ഉത്തര്‍ പ്രദേശിലെ ഹമീര്‍പൂര്‍ സ്വദേശിയായിരുന്നു ചിമ്മ (Khimma Ahirwar). ജാതിഹിന്ദുക്കളുടെ വധശിക്ഷക്കു വിധേയനാകുമ്പോള്‍ 90 വയസ്സായിരുന്നു പ്രായം. കുറ്റം, നാട്ടില്‍ത്തന്നെയുള്ള മയ്ദാനി ബാബ ക്ഷേത്രത്തില്‍ (ശിവക്ഷേത്രം) പ്രവേശിക്കാന്‍ ശ്രമിച്ചു!

പിതൃക്കള്‍ക്ക് ബലിയര്‍പ്പിക്കുന്ന 'പിണ്ഡ് ദാന്‍' നടത്തുന്നതിനായാണ് തന്റെ വൈഫിനോടും മകനോടുമൊപ്പമെത്തി ക്ഷേത്രത്തില്‍ പ്രവേശിക്കാന്‍ ശ്രമിച്ചത്. അവരെ കണ്ടപ്പോള്‍ സഞ്ജയ് തിവാരി എന്ന ജാതിഹിന്ദു പാഞ്ഞെത്തി ക്ഷേത്രത്തില്‍ പ്രവേശിക്കുന്നത് തടയാന്‍ ശ്രമിച്ചു. ചിമ്മ യാതൊന്നും മറുത്തുപറയാതെ നിന്നപ്പോള്‍ കലികയറിയ സഞ്ജയ് തിവാരി ഒരു കോടാലി എടുത്തുകൊണ്ടുവന്ന് ആദ്യം ആ വൃദ്ധനെ വെട്ടിക്കീറി. അതിനുശേഷം വെട്ടിനുറുക്കിയിട്ട ചിമ്മയുടെ ശരീരത്തില്‍ മണ്ണെണ്ണ ഒഴുച്ചു കത്തിച്ചു! (കൊന്നയാള്‍ തന്നെ ചിതയുമൊരുക്കി!)

കാന്‍പൂരില്‍ നിന്നും 140 കി. മീ അകലെ ഹമീര്‍പൂര്‍ ജലൗണ്‍ ജില്ലകള്‍ക്കു മധ്യേ ബില്‍ഗൗണിലാണ് മയ്ദാനി ബാബ ക്ഷേത്രം സ്ഥിതിചെയ്യുന്നത്. മറ്റനേകം ആളുകള്‍ നോക്കിനില്ക്കവേയാണ് തിവാരി ഈ കൊടും പാതകം ചെയ്തത്. ഒരു മനുഷ്യജീവനെ ക്ഷേത്രത്തിന് മുന്നിലിട്ട്, അയാളുടെ മകനും വൈഫും നോക്കിനില്‌ക്കെ പച്ചക്ക് വെട്ടിക്കീറിയപ്പോള്‍ ജാതിഹിന്ദുവിന് എന്ത് പുണ്യമാണ് ലഭിച്ചതെന്ന് ജനധിപ ത്യവിശ്വാസികളുടെ പൊതുമനസ് വിലയിരുത്തട്ടെ.

സഞ്ജയ് തിവാരി മദ്യപാനിയും നിരവധി കേസുകളില്‍ പ്രതിയായ ക്രിമിനനലുമാ ണെന്ന വിലയിരുത്തലാണ്, 90 വയസുള്ള വയോവൃദ്ധനെ അരുംകൊല ചെയ്ത കുറ്റത്തിന് ആശ്വാസമായി ആദ്യം ലഭിക്കുന്ന ന്യായീകരണം. തിവാരി തന്നെയും ആക്രമിച്ചിട്ടുണ്ടെന്ന് പറഞ്ഞ് പ്രധാന പൂജാരിയായ ശിവ് ശങ്കറും ആ ആശ്വാസ ദായകരെ പിന്തുണക്കുന്നു. 

സഞ്ജയ് തിവാരി നിയമത്തിന്റെ കോടതിയില്‍ നിന്നും രക്ഷപെട്ടേക്കാം. അദ്ദേഹമൊക്കെ വിശ്വസിക്കുന്ന ഈശ്വരന്റെ കോടതി എന്തേ ഇതുവരേയും അദ്ദേഹത്തെ രക്ഷപ്പെടുത്തിയില്ല? ഒരു ഭക്തനെ ക്രിമിനലാക്കി നിര്‍ത്തുകയല്ലേ, വാസ്തവത്തില്‍ ദൈവം സഞ്ജയ് തിവാരിയോട് ചെയ്തിരിക്കുന്നത്? ചിമ്മയോട് ദൈവം കരുണ കാണിച്ചു! ആ വൃദ്ധന് മോക്ഷം കൊടുത്തു. ഇത്തിരി വൈകിപ്പോയി എന്നു മാത്രം. 90 ആം വയസില്‍ ജനിച്ചയാളല്ല ചിമ്മ. 89 ആം വയസിലും പിതൃതര്‍പ്പണ ത്തിന് ഈ ക്ഷേത്രത്തില്‍ എത്തിയിട്ടുണ്ടായിരിക്കണം. 90 വയസ് തികയട്ടെ എന്നു കരുതിയിട്ടായിരിക്കണം മോക്ഷം കൊടുക്കാന്‍ ഇത്രയും വൈകിയത്.

ചത്ത പശുവിനെ പോലും വെട്ടിക്കീറരുത്..! ക്രൂരമാണ്. മനുഷ്യനെ പച്ചജീവനോടെ വെട്ടിക്കീറാം..! പാപമില്ല.

വിശ്വാസമൊക്കെ എന്ത്....?

അഹിവിത്രന്‍ കണ്ണന്‍ മേലോത്ത്
(പുസ്തകം - അക്കാദമിക് പ്രഷര്‍; ശംബൂകവധം)

hindustantimes.com
indiatoday.intoday.in



അഭിപ്രായങ്ങളൊന്നുമില്ല:

ഒരു അഭിപ്രായം പോസ്റ്റ് ചെയ്യൂ